ආයුර්වේදජ්‍යෝතිෂ විද්‍යාව

සිංහල අවුරුද්දට කිරිබත් කන්නේ ඇයි ?

 

වෙන සිංහල අවුරුදුවල වගේ නෙවෙයි . මේ වතාවේ සිංහල අවුරුද්දේ අවුරුදු සැමරීම සම්බන්ධව රටේම ගැටළු මතුවෙලා තියෙනවා . ලෝකයේම මානසික සමාජීය ආර්ථික වශයෙන් සියල්ල බිංදුවටම කඩා වැටිලා තියෙන වෙලාවක ලංකාව අවුරුදු සැමරීම සදාචාර සම්පන්නද කියන ඇත්තටම ප්‍රශ්නයක් .

මිය ගිය සංඛ්‍යාව මේ වෙනකොට 100 000 පසු කරලා තියෙනවා . ලෝකයේම මේ වගේ ව්‍යසනයක් ඇතිවෙලා තියෙන වෙලාවේ අපි කොහොමද අවුරුදු කන්නේ ? . ඕක තමයි හැමෝම මේ වෙනකොට හිතන ප්‍රශ්නය වෙන්නේ .

ඇත්ත . අපි සිංහල අවුරුද්ද වෙනුවෙන් මේ අවුරුද්දේ අලුත් ඇඳුම් ගත්තේ නැහැ . සෙරෙප්පු සපත්තු ගත්තේ නැහැ . රතිඤ්ඤා ගිණිකෙලි මොකවත් ගත්තේ නැහැ . ඇත්තටම ඒවා විකුණන්න වත් මේ වෙනකොට කඩවල්වල ඇත්තේත් නැහැ .

සමහරුන්ට මේ වෙනකොට අවුරුදු දැනෙන්නේ නැත්තේ බාර් සියල්ලම මේ වෙනකොට වහලා තියෙන නිසා . ඔය විවිධ ආකාර වලින් අගතියට පත්වෙලා ඉන්න පිරිස තමයි අවුරුදු නෑ අවුරුදු නෑ කියලා කෑගහන්නේ .

ඔය කවුරු කිව්වත් සූර්යයා තමන්ගේ මීන රාශියේ සිට මේෂ රාශියට සම්ප්‍රාප්ත වීම කරනවා .

සිංහල අවුරුද්ද කියලා කියන්නේ සූර්යයාගේ ගමන අලුත් වීමට . අපිත් අපේ ගමන අලුත් කරන්නේ එදාට . ඒකට කොරෝනා බාධාවක් වුණාට මම දකින විදියට කිරිබත් කන්න කොරෝනා බාධාවක් වෙන්නේ නැහැ .

සිංහල අවුරුද්දට කිරිබත් කන්න කියලා පුරුදු වෙලා තියෙන්නේ ඇයි කියලා බහුතරයක් අය දන්නේ නැහැ . හැමෝම වගේ හිතාගෙන ඉන්නේ කිරිබත් කන්නේ සතුටට කියලා . මොකද මගුල් ගෙවල් වල , උත්සව වලදී , යුද්ධ ඉවර වුණාම , ජනාධිපතිලා පත් වුණාම , ඡන්ද දින්නාම එහෙම කිරිබත් හදන නිසා .

ඇත්තටම කිරිබත් කියන්නේ සතුටට කන දෙයක් නෙවෙයි . ශරීරයට අත්‍යාවශ්‍ය සිසිල් බව අවශ්‍ය වෙලාවට ආහාරයට ගන්න නියම කරලා තියෙන ආහාරයක් . ඌෂ්ණ ආහාර ගත්තම කිරිබත් කනවා සමහරු . සමහරුන්ගේ උපතින්ම ශරීරය ඌෂ්ණ උනාම කිරිබත් කනවා . දරුඵල අහිමි සමහරු කේන්දර බලවන්න දුන්නම එයාලාගේ ග්‍රහ බලපෑම් මත ශරීරය ඌෂ්ණ වෙනකොට නියම කරන්නේ කිරිබත් කන්න කියලා . ඒවගේ සිසිල්කාරක ගුණයක් කිරිබත්වල තියෙනවා .

ජ්‍යෝතිෂ විද්‍යාවේ මනුෂ්‍ය ශරීරය ග්‍රහයින්ට බෙදා දක්වනවා . ඒ වගේම තමයි රාශි චක්‍රයට අදාළව ශරීර කොටස් බෙදා දක්වනවා . ඊටත් අමතරව කේන්දරේ කොටු 12 ට ශරීර කොටස් බෙදා දක්වනවා . මේ අනුව බලනකොට ශරීරයේ සම්පූර්ණ පැවැත්ම කියන දේ ජ්‍යෝතිෂ අනුව විග්‍රහ කරන්න පුළුවන් .

ආයුර්වේදය සහ ජ්‍යෝතිෂ විද්‍යාව එකිනෙකා සම්බන්ධ වෙන්නේ අන්න එතනින් තමයි . නැතුව ජ්‍යෝතිෂ කියන්නේ හිත හදන අනාවැකි කියන විෂයක් ම නෙවෙයි . මානවයාගේ ශරීරයේ පැවැත්ම නිසියාකාරව ගෙනියන්න පඨවි ආපෝ තේජෝ වායෝ ආකාශ කියන මහා භූත කොටස් පහේ පැවැත්ම ගැන පරීක්ෂා කරලා දුර්වලතා නිවැරදි කරන විෂයක් .

සූර්යයා ඔන්න දැන් රාශි 12 ගමන් කරලා රවුමක් කැරකිලා සිංහල අවුරුද්ද දවසට මේෂ රාශියට සම්ප්‍රාප්ත වෙනවා . මීන මේෂ රාශි දෙක අතරේ තියෙන සන්ධියේදී නැකත් 27 ත් අලුත් වෙනවා . මේෂ රාශියේ පළවෙනි අංශකය අස්විද නැකතේත් පළවෙනි අංශකය වෙනවා .

ඒ අනුව බලනකොට රවී ග්‍රහයා මේෂ රාශියට හිමි මනුෂ්‍ය මොළය , හිස , ඇස් , මුහුණ නිකට , බෙල්ල කියන ප්‍රධාන ඉන්ද්‍රියයන් වලට බලපෑම් කරන ආකාරයට සකස් වෙනවා . ඒවගේම තමයි රවි ග්‍රහයාට හිමි අස්ථි පද්ධතිය , හෘදය , රුධිර සංසරණ පද්ධතිය , ධමනි , ජීව ශක්තිය , පිරිමින්ගේ දකුණු ඇස , ගැහැණුන්ගේ වම් ඇස , කොඳු ඇට පෙලිය කියන ශරීර අවයව වලටත් සෘජුවම බලපෑම් කිරීම කෙරෙනවා .

රවි තමයි ප්‍රධානම ඌෂ්ණ ග්‍රහයා . මේ වගේ ඌෂ්ණ ග්‍රහයෙක් තමන්ගේ උච්ච බලය හිමිවෙන ස්ථානයට ආවම තමන්ගේ ශක්තිය උපරිමයෙන් පොලවට සාපේක්ෂව මුදාහරිනවා . උච්ච වෙනවා කියන්නේ අස්විද නැකතට අයත් තරු රටාවේදී සූර්යයාගේ ශක්තිය සහ අස්විද නැකතේ තරු රටාවේ ශක්තිය මිශ්‍ර වීමෙන් බලවත් සූර්ය කිරණ නිකුත් වීම .

මේ නිසා මනුෂ්‍ය ශරීරයේ ක්‍රියාකාරීත්වය අධික වෙනවා . ශ්‍රාවයවීම් සිදුවෙන ස්ථානවල ශ්‍රාවය වීම් අධික වෙනවා . මේ වෙනකොට නොනගතයේදී අපි කෑම සහ වතුර නොගෙන ඉඳලා ආමාශයේත් අධික ඇසිඩ් සාන්ද්‍රණයක් ඇතිවෙලා තියෙනවා ඇසිඩ් එකතුවෙලා .

අවුරුද්දෙම වැඩ කරලා කරලා ආමාශයට මේ දෙන නිවාඩුවෙන් ආමාශය අලුත් වෙනවා . අලුත් වෙච්ච ආමාශයේ තියෙන ප්‍රභල ලෙස ජීර්ණයට සැරසී ඉන්න ඇසිඩ් වලට ඒ ඌෂ්ණ ගතිය පහව යන්න පුළුවන් හොඳ ආහාරයක් වැටෙන්න ඕන පළවෙනි ආහාරය විදියට .

අන්න ඒ නිසා තමයි සිංහල අවුරුද්දේ ඉස්සෙල්ලම කිරිබත් කන්නේ නැකතට . නැතුව සතුටු වෙන්න නෙවෙයි කිරිබත් කන්න කියලා තියෙන්නේ . තමන්ගේ ශරීරය නිරෝගී වෙන්න මේ ආහාර රටාව බලපාන නිසා . මේ සිරිත් විරිත් සංස්කෘතිය එක්ක බද්ධ කරගෙන දැඟලුවට මේවාට තියෙන්නේ ජීව විද්‍යාත්මක ආයුර්වේදීය සහ ජ්‍යෝතීර්වේදීය පදනමක් .

ඒ නිසා මම දකින විදියට වෙනදා විදියට අවුරුදු සමරුවේ නැති වුණාට නැකතට කිරිබත් කෑවා කියලා මිය ගිය ජනතාවට අසාධාරණයක් හෝ අගෞරවයක් වෙන්නේ නැහැ . කිරිබත් කියන්නේ කෑමක් විතරයි කියලා මතක තියාගන්න . ඒ කෑමෙන් තමන්ගේ ශරීරය සුවපත් වෙනවා කියලාත් , වෙනදා කිරිබත් කනවට වඩා අවුරුද්ද දවසේ කිරිබත් කෑම අනිවාර්ය දෙයක් කියලාත් මතක තබාගන්න .

ඔබ සැමට සුබම සුබ අලුත් අවුරුද්දක් වේවා !

කොරෝනා උවදුරින් ලෝකයම මිදේවා !

ඔබ සැමට සමන් දෙවිඳුගේ පිහිට ලැබේවා !!

  දරුඵල බලාපොරොත්තුවෙන් ඉන්න ඒත් තවමත් ඒ වෙනුවෙන් අවස්ථාව නොලද විශාල ප්‍රමාණයකගේ ජන්ම පත්‍ර පරීක්ෂා කරන්න නොමිලේ පවත්වන ලද සේවාවට
වාස්තු විද්‍යාව සම්බන්ධව , වාස්තු විද්‍යාවට අතපොත් තියන ආධුනික අයට සහ සාමාන්‍ය කාටත් වැදගත් වෙන මාතෘකාවක් ගැන තමයි අද කතා
  බහුතරයක් අද වෙනකොට ලංකාවේ ජීවත් වෙනවාට වඩා වෙනත් රටකට ගිහින් ජීවත් වෙන්න තමයි කැමැත්තක් දක්වන්නේ . ඒ වෙනුවෙන් දක්වන
  ආයුර්වේදය සහ ජ්‍යෝතිෂ විද්‍යාව සම්බන්ධවන තැනක් විදියට රතකල්කය මට හඳුන්වන්න පුළුවන් . මේ වෙනකල් බලපු කේන්දරවලින් වයස අවුරුදු 10
  උසස්පෙළට රසායන විද්‍යාව ඉගෙන ගන්න කාලයේ වැඩියෙන්ම ඒ ගැන අදහසක් ඔලුවට දැම්මේ අපේ ඉස්කෝලේ රසායන විද්‍යා ආචාර්යවරයෙක් විදියට කටයුතු
මේ අවුරුද්දේ මහනුවර දළදා පෙරහැර වීථි සංචාරය කිරීම ඊයේ දිනයේ ( 2018 08 16 ) ආරම්භ කෙරුනා . පෙරහැර සම්බන්ධව
  විශාලා මහා නුවර තුන් බිය දුරු කරන්න බුදුන් වහන්සේ මේ රතන සූත්‍ර දේශනාව දේශනා කරලා ඉන් පස්සේ ආනන්ද හාමුදුරුවන්ට
  අරුල්මිගු ශ්‍රී මුත්තුමාරි අම්මාන් දේවස්ථානය ඓතිහාසික මාතලේ පුරවරය මධ්‍යයේ පිහිටලා තියෙන හින්දු බැතිමතුන් ඉතාමත් ගෞරවයෙන් වන්දනාමාන කරන කෝවිලක් .
  කුර්වන්ත්‍යකාලේ යෙ ක්ශෞරං තෙෂාං වර්ෂශතායුෂාම් අර්වාග්මරණාමභ්‍යෙති තතඃ ක්ශෞරං විචාරයෙත් හිසකෙස් කැපීම සම්බන්ධව දෛවඥකාමධෙනු කියන පොතේ මෙන්න මේ විදියට සඳහන්
  සාමාන්‍යයෙන් මනුෂ්‍ය ජීවිතයක ප්‍රධාන අවස්ථා තුනක් මූලකයි කියලා ජ්‍යෝතිෂ විද්‍යාවේ ඉගැන්වෙනවා . ඉපදීම සහ මරණය කියන අවස්ථා දෙක තමයි
    පුංචි කාලේ මම මොන්ටිසෝරි ගියාම දවල්ට මාව එක්ක එන්නේ අපේ තාත්තා . තාත්තා ත්‍රීවිල් එකකින් මාව එක්කඑන ගමන්
    අමුතුවෙන් පූර්විකා ලියන්න ඕන නැහැ . මොකද කවුරුත් දන්නවා කොරෝනා වෛරසය කියන දේ මේ වෙනකොට ජීවිත දහස් ගණනක්

Leave a Reply

Your email address will not be published. Required fields are marked *