ආයුර්වේද

කොරෝනා වෛරසයෙන් බේරෙන්න මෙන්න මේ දේවල් කරන්න

 

 

අමුතුවෙන් පූර්විකා ලියන්න ඕන නැහැ . මොකද කවුරුත් දන්නවා කොරෝනා වෛරසය කියන දේ මේ වෙනකොට ජීවිත දහස් ගණනක් බිල්ලට අරගෙන ඉන්නේ කියලා . කවුරුත් තම තමන් දන්නා දේවල් මේ වෙලාවේ එළියට දානවා . මේ මම පාවිච්චි කරන දේවල් . ප්‍රතිශක්තිය වර්ධනය කරගන්න මේවා අදක ඊයෙක ඉඳලා නෙවෙයි මම මේවා පාවිච්චි කරන්නේ . සමහර දේවල් නම් තියෙනවා දරුවන් ලැබෙන්න ඉන්නා අයට එහෙම හොඳ නැති දේවල් . ඒවා ඒ ඒ තැන් වලදී මම මොනවද කියලා පැහැදිළි කරලා දෙන්නම් .

පෙරුම්කායම්

පෙරුම් කායම් තමයි මේවගේ බෝවෙන රෝගවලින් පරෙස්සම් වෙන්න පාවිච්චි කරන්න පුළුවන් හොඳම ඖෂධය වෙන්නේ . සිංහල බෙහෙත් කඩවල් වලින් පෙරුම් කායම් කැටයක් ඉතාම අඩු මිලට ගන්න පුළුවන් . ඒ අරගෙන රෙදි කෑල්ලක ඔතලා ඒක අතේ හරි ඉනේ හරි බෙල්ලේ හරි ගැටගහලා තියාගන්න . මේකේ පොඩි ගඳක් තියෙනවා . ඒක ගණන් ගන්න එපා . පැපොල වගේ බෝවෙන ලෙඩ රෝග ගෙදර කෙනෙක්ට හැදුනාම පෙරුම් කායම් මේ විදියට අතේ ගැටගහගත්තාම සාමාන්‍යයෙන් ඒ අයට ලෙඩේ බෝවෙන්නේ නැහැ . කොරෝනා වෛරසයට නම් ගෙදරත් හැම තැනම වගේ පෙරුම් කායම් කැට තියන්න පුළුවන් නම් හොඳයි . පෙරුම් කායම් ඉන්දියාවේ ආහාර සඳහා එකතු කරනවා අපි කුළුබඩු එකතු කරන විදියටම . ඒ නිසා පුළුවන් නම් ගර්භනීන් නැත්නම් ගෙදර මේ පෙරුම් කායම් වලින් සුළු ප්‍රමාණයක් උයන කෑම එකකට දාලා ආහාරයට ගන්න . මේ ගැන බයක් තියෙනවා නම් දන්නා කියන ආයුර්වේද වෛද්‍යවරයෙක් ගෙන් අහලා දැනගෙන වුණත් පාවිච්චි කරාට කමක් නැහැ . අතේ ගැටගහගන්නා එක නම් අනිවාර්යයෙන්ම කරන්න .

පැඟිරි සහිත දේවල් පානය කිරීම

දෙහි , දොඩම් , නාරං , ජම නාරං , ඇඹුල් දොඩම් වගේ පැඟිරි කුලයේ දේවල් ශරීරයට වැඩියෙන් ගන්න පුළුවන් නම් හොඳයි . ප්‍රතිශක්තිය වර්ධනය කරන්න මේ දේවල් කොහොමත් දායක වෙනවා . මේ ඇතිවෙලා තියෙන තත්වය අනුව මේ දේවල් ගන්නා එක වැඩි කරන්න පුළුවන් නම් හොඳයි . හැබැයි සීනි නැතුව . සීනි ප්‍රතිශක්තිය අඩු කරන දෙයක් නිසා සීනි පාවිච්චි කිරීම නම් හොඳ නැහැ .

දෙහි කොළ / පැඟිරි කොළ තම්බා පානය කිරීම

දෙහි කොළ නම් වඩාත් හොඳයි . එහෙමත් නැත්නම් පැඟිරි ගෙඩි හැදෙන ගස්වල කොළ දෙකතුනක් පිරිසිදු කරලා හොඳට හෝදලා අරගෙන ටිකක් අතින් පොඩි කරලා උණුවතුර කෝප්පයකට දාලා තැම්බෙන්න තියලා ඒක පානය කරන්න . තේ වෙනුවට මේ දේ පානය කරන්න පුළුවන් නම් හොඳයි .

වෙනිවැල් ගැට පානය කිරීම

සිංහල බෙහෙත් කඩවල්වල තියෙනවා වෙනිවැල් ගැට පිටි ගන්න . ඒ වෙනිවැල් ගැට පිටි අරගෙන තේ වෙනුවට වෙනිවැල් ගැට පිටි තේ හැන්දක් නටන වතුර එකට දාලා ටිකක් තැම්බෙන්න තියලා පෙරලා බොන්න . සීනි නැතුව තමයි බොන්න ඕන . මේක බීගන්න බැරි නම් ඔරිජිනල් කිතුල් හකුරු එක්ක බොන්න . ඔරිජිනල් කිතුල් හකුරු නැත්නම් ඉතින් වෙන හකුරු කන්න එපා . සීනි කෑවත් එකයි වෙන හකුරු කෑවත් එකයි .

කසාය පාන වට්ටෝරුවක්

කොත්තමල්ලි 100g , දේවදාර 10g , කටුවැල්බටු 100g , තිප්පිලි 10g , ගම්මිරිස් 10g , වෙනිවැල් 100g

මෙන්න මේ අනුපාතයට මේ දේවල් අරගන්න . ඊට පස්සේ කබලක බොහොම අඩු ගින්දරේ මේවා තරමක් රත් කරගෙන ග්‍රයින්ඩර් එකේ කුඩු කරගන්න . නැත්නම් වංගෙඩියේ කොටා ගන්න . නැත්නම් මිරිස් ගලේ අඹරා ගන්න . මේ ටික බෝතලේක දාලා තියාගෙන තේ හැන්ද ගානේ තේ වෙනුවට තේ හදනවා වගේ සීනි දාන්නේ නැතුව බොන්න . ගර්භනී අයට මේ කසාය හොන නැහැ . වෙන ඕන කෙනෙක්ට හොඳයි . ඔය කඩේ පස්පංගුව පැකට් එකේ තියෙන්නෙත් මේවා තමයි .

පොල් පුච්චලා ආහාරයට ගැනීම

අලුත බිඳපු පොල් ගෙඩියකින් පොල් කෑල්ලක් ගලවලා අරගෙන ගින්දරට අල්ලලා පුච්චගන්න . ඊට පස්සේ මේ පොල් කෑල්ල ටික ටික ආහාරයට ගන්න . නිකං කන්න බැරිනම් බත් එක්ක ආහාරයට ගන්න .

නෙල්ලි රසකිඳ පානය

නෙල්ලි රසකිඳ බෙහෙත් බඩු කඩේ විකුනන්න තියෙනවා . ඔයාලට පුළුවන් ඒවා කඩෙන් ගන්න . සමාන බර ප්‍රමාන වලින් මේ ජාති දෙක අරගෙන . වේලලා හරි ටිකක් රත් කරලා හරි නැත්නම් එහෙමම වුනත් කමක් නැහැ , කුඩු කරගන්න . මේ කුඩු තේ බොනවා වගේ උණු වතුරට දාලා තම්බලා බොන්න . ලොකු කෑලි විදියට ගන්නවා නම් ඒවා මැටි මුට්ටියකට දාලා වතුර දාලා තම්බලා බොන්න . සීනි නම් ගන්න එපා . ගර්භනී අයට මේ දේ හොඳ නැහැ . ඒ නිසා පෙරුම් කායම් ගැන ගර්භනී අය විශ්වාසයක් තියාගන්න .

ඉඟුරු , සුදුලූනු ආහාරයට ගැනීම

ඔය චීනේ උන්දැල තමයි ඉඟුරු සුදුලූණු ආහාරයට ගැනීම පුරුදු කරගත්තේ . ලංකාවේ කොහොමත් ගත්තා . ඒත් චීනයේ අය එයාලාගේ කෑම එක්ක මේ ඉඟුරු සුදු ළූණු ආහාරයට ගත්තා . මම දන්නා තරමට චීනේ අය එයාලාගේ සාම්ප්‍රදායික වෙදකම් සහ ඖෂධ සහිත ආහාර රටාවල් වලින් ඈත් වෙලා තියෙනවා දැන් වෙනකොට . ඒ නිසා මේ වෛරසයට ලේසියෙන්ම එයාලව ලෙඩ කරන්න පුළුවන් වුනා කියලා මම හිතනවා . කොහොම වුණත් අපි අපේ ආහාර වලට ඉඟුරු සුදුළූණු එකතු කරගමු යහමින් . ටිකක් කල් කනකොට පුරුදු වෙනවා . ගොඩාක්ම නෙවෙයි . දරාගන්න පුළුවන් විදියට අපි ඉඟුරු සුදුළූණු ආහාරයට ගමු .

කහ සහ කොහොඹ

කහ කියන්නේ කොහොමත් ප්‍රභල විෂබීජ නාශක ගුණයක් තියෙන දෙයක් . අමු කහ හෝ වියලි කහ විදියට ආහාරයට කහ එකතු කරගන්න පුළුවන් නම් හොඳයි . උයන දේවල් වලට කහ කුඩු යහමින් එකතු කරලා ආහාරයට ගන්න . කොළ කැඳ එහෙම හදනකොට කොහොඹ කොළ ටිකක් එකතු කරගන්න තිත්ත ගැන හිතන්නේ නැතුව . කොහොඹ සාමාන්‍යයෙන් ගර්භනී බව ලබන්න බැරි ගර්භාෂය ඌෂ්ණ කාන්තාවන්ටත් කොටලා ඉස්ම පානය කරනන් දෙනවා . ඒ නිසා කොහොඹ කොළ ආහාරයට ගත්තා කියලා කිසිම වරදක් නැහැ . කොහොඹ දළු මැල්ලුම් ආහාරයට ගන්න හැකියාවක් තියෙනවා නම් වඩාත් හොඳයි .

සුදුහඳුන් දළු මැල්ලුම්

සුදුහඳුන් කියන්නේ ප්‍රතිශක්තිය වඩවන හොඳ ඖෂධයක් . සුදු හඳුන් දළු මැල්ලුම කියන දේ මමත් මෑතකදී තමයි අත්හදා බැලුවේ . රසවත් ආහාරයක් වගේම තමයි ප්‍රතිශක්තිය වර්ධනය කරගන්න හොඳ දායකත්වයක් ලබාදෙනවා .

සුදු හඳුන් පානය

සුදු හඳුන් පිටි අපිට පුළුවන් බෙහෙත් කඩෙන් මිලදී ගන්න . ඒකත් තේ බොනවා වගේ උණු වතුරට දාලා තැම්බෙන්න තියලා පෙරලා පානය කරන්න පුළුවන් . සීනි නැතුව තමයි පානය කරන්න ඕන .

තුනපහ භාවිතා කිරීම

ලංකාවේ අපි කන වසවල හැටියට කුස්සියේ තුනපහ තිබ්බේ නැත්නම් අපි මෙලහට මැරිලා යටකරපු තැන්වල ගසුත් පැළ වෙලා . හැම ආහාරයකටම තුනපහ එකතු කරන්න . ඒවගේම තමයි තුනපහ දාලා හොදි හදලා ආහාරයට ගන්න පුළුවන් නම් වඩාත් හොඳයි . කෘත්‍රීම රසකාරක සහ වර්ණක සහිත ආහාරත් , ක්ෂණික ආහාරත් භාවිතය නවත්තන්න . හැමදාම බැරි නම් තාවකාලිකව හරි නවත්තන්න .

රතු ළූණු

සුදුලූණු වගේම රතු ලූනුත් ප්‍රතිශක්තිය වඩන හොඳ ආහාරයක් . රතුලූණුවල ගුණයත් මම අත්දැකලා තියෙනවා ඇත්තටම . ආහාරයට රතුලූණු අමුවෙන් එකතු කරගන්න උත්සාහ කරන්න . බැරිම නම් පිසින ලද ආහාර වලට එකතු කරලා හරි ආහාරයට ගන්න . රතුලූණුවල තියෙන රසයට වඩා ගුණය ගැන හිතලා ආහාරයට ගන්න .

සීනි ආහාරයට ගැනීම

පුළුවන් තරම් අඩු කරලා දාන්න . මොකද සීනි ශරීරයේ ප්‍රතිශක්තිය අඩුකරවනවා කියලා කියන නිසා . මමත් මේ දේ ලිපියක තමයි දැක්කේ . ශරීර යාන්ත්‍රන ගැන හිතලා බලනකොට ඇත්තටම මේ දේ නම් ඇත්ත වෙන්න පුළුවන් . ඒ නිසා සීනි අඩු කිරීම කෝකටත් හොඳයි .

රණවරා සහ බෙලිමල් පානය කිරීම

මේක නම් මම අත්දැකපු දෙයක් නෙවෙයි . මම ඔය දෙකම බීලා තියෙනවා . වෙනසක් නම් දැනිලා නැහැ . ඒත් මම ලිපි කීපයක සහ පොත් කීපයක මේ දේ දැකලා තියෙනවා ප්‍රතිශක්තිය වර්ධනය කරන්න මේ දේවල් තම්බලා බොනවා කියලා . ඒ නිසා මේ දේවල් පානය කිරීමත් හොඳයි .

කොළ කැඳ

කොළ කැඳ විදියට මමනම් යෝජනා කරන්නේ කරපිංචා කොළ කැඳ  . තව කරපිංචා දළු මැල්ලුම් ආහාරයට ගැනීමත් හොඳ ප්‍රතිකාරයක් වෙනවා .

අලුකෙසෙල් ආහාරයට ගැනීම

අලුකෙසෙල් ගෙඩි , අලුකෙසෙල් අල , අලුකෙසෙල් බඩ , අලුකෙසෙල් කඳේ පිති මිරිකලා ගන්නා යුෂය පානය කිරීම . කියන හැම දෙයක්ම ශරීරයේ විෂ ඉවත් කරලා ප්‍රතිශක්තිය වර්ධනය කරන්න දායක වෙනවා .

පොලොස්

පොලොස් ගැට ආහාරයට ගැනීමෙන් ප්‍රතිශක්තිය වර්ධනය වෙනවා කියලා කියනවා . වෙන්නත් පුළුවන් . ඒකනේ කිරිදෙන අම්මලාට පොලොස් කන්න දෙන්න කියලා කියන්නේ .

නියමිත වතුර ප්‍රමාණය බොන්න මුත්‍රා පිට කරන්න

දෛනිකව කෙනෙක් බොන්න ඕන වතුර ප්‍රමාණයක් තියෙනවා . ඒ වතුර ප්‍රමාණය අඩු කරන්නේ නැතුව බොන්න . ඒවගේම තමයි මුත්‍රා පිට කරන්න . මම උඩින් කියලා තියෙන තේ විදියට ඒ වෙනුවට පානය කරන්න පුළුවන් මොන දේ බිව්වත් ඒවා මුත්‍රා ඔස්සේ පෙරිලා පිටවෙලා යන්න නම් වතුර බොන්න ඕන වැඩියෙන්ම . ඒ නිසා වතුර බීම සහ මුත්‍රා පිටවීම් ගැන සැලකිලිමත් වෙන්න .

පානයන් විදියට පානය කරන්න කියලා තියෙන දේවල් ඔක්කොම එක දවසේ බොන්න එපා . බඩ නිකං මොකක්ද වෙලා යයි . අද වෙනිවැල් බොන්න . හෙට දෙහිකොල බොන්න , අනිද්දා කසාය බොන්න . ඒවගේ මාරුවෙන් මාරුවට ඒ දේවල් පානය කරන්න .

ඒ වගේම තමයි මුඛ ආවරණ පළඳින්න අමතක කරන්න එපා . ප්‍රාතිහාර්ය පානවා වගේ එකපාරම අපිට පරෙස්සම් වෙන්න පුළුවන් තත්වයක නෙවෙයි , මේ ලෙඩේ දැන් තියෙන්නේ . ඒ නිසා කරන්න පුළුවන් හොඳම දේ තමයි මාස්ක් දැමීම සහ පෙරුම්කායම් අතේ බැඳීම . මේ වැඩ දෙක අනිවාර්යයෙන්ම කරන්න .

මම ලෙඩවෙයි මම ලෙඩවෙයි කියලා හැම වෙලේම ලොන්තපොලොස් මානසිකත්වයක් හදාගන්න එපා . මනසින් ශක්තිමත් වෙන්න . මට ලෙඩ හැදෙන්නේ නැහැ . මම ශක්තිමත් . මම කරන්න ඕන පූර්ව උපාය මාර්ග වලින් ආරක්ෂා වෙලා ඉන්නේ . ඒ නිසා මම පරෙස්සම් කියලා විශ්වාසයක් ඇතිකරගන්න .

නිතරම අත් පිරිසිදු කරන්න . පොදු ස්ථානවල අත්වලින් යමක් ඇල්ලුවොත් මුහුණ නහය ඇස් අල්ලන්න එපා . අත් සෝදලා තමයි අල්ලන්න ඕන . ඒකට නිසි ප්‍රමිතිය සහිට සේදුම් කාරක භාවිතා කරන්න . ඩෙටෝල් වගේ දේවල් වුණත් කමක් නැහැ .

මේ දේවල් වලින් තමන් ආරක්ෂා වන්න උත්සාහ කරන්න .

දියුණුවෙන් දියුණුවට පත්වේවා !

ඔබ සැමට සමන් දෙවිඳුගේ පිහිට ලැබේවා !!

ප්‍රභාශ්වර ජ්‍යෝතිෂ සේවය සමග සම්බන්ධ වීමට පහත image එක මත Click කරන්න

රතන සූත්‍ර දේශනාව – සිංහල , පාලි , Audio , Video
  විශාලා මහා නුවර තුන් බිය දුරු කරන්න බුදුන් වහන්සේ මේ රතන සූත්‍ර දේශනාව දේශනා කරලා ඉන් පස්සේ ආනන්ද හාමුදුරුවන්ට
Read more.
මාතලේ අරුල්මිගු ශ්‍රී මුත්තුමාරි අම්මාන් දේවස්ථානය
  අරුල්මිගු ශ්‍රී මුත්තුමාරි අම්මාන් දේවස්ථානය ඓතිහාසික මාතලේ පුරවරය මධ්‍යයේ පිහිටලා තියෙන හින්දු බැතිමතුන් ඉතාමත් ගෞරවයෙන් වන්දනාමාන කරන කෝවිලක් .
Read more.
දරුවෙකුගේ හිසකෙස් කැපීමේ මංගල චාරිත්‍රය
  කුර්වන්ත්‍යකාලේ යෙ ක්ශෞරං තෙෂාං වර්ෂශතායුෂාම් අර්වාග්මරණාමභ්‍යෙති තතඃ ක්ශෞරං විචාරයෙත් හිසකෙස් කැපීම සම්බන්ධව දෛවඥකාමධෙනු කියන පොතේ මෙන්න මේ විදියට සඳහන්
Read more.
විවාහ නැකත් සෑදීම හා විවාහ නැකත් පත්‍රය
  සාමාන්‍යයෙන් මනුෂ්‍ය ජීවිතයක ප්‍රධාන අවස්ථා තුනක් මූලකයි කියලා ජ්‍යෝතිෂ විද්‍යාවේ ඉගැන්වෙනවා . ඉපදීම සහ මරණය කියන අවස්ථා දෙක තමයි
Read more.
ඇත් සොහොන් සංකල්පය
    පුංචි කාලේ මම මොන්ටිසෝරි ගියාම දවල්ට මාව එක්ක එන්නේ අපේ තාත්තා . තාත්තා ත්‍රීවිල් එකකින් මාව එක්කඑන ගමන්
Read more.
ආටානාටිය සුත්‍රය ( සිංහල )
  1.මා විසින් මෙසේ අසන ලදී: එක් සමයෙක්හි භාග්‍යවතුන් වහන්සේ රජගහ නුවර නිසා ගිජුකුළු පව්වෙහි වැඩ වසන සේක. එ කලැ
Read more.
ඉන්ද්‍රධ්වජය හෙවත් ශක්‍ර දේවේන්ද්‍රයාගේ කොඩිය
  බුද්ධාගමට සහ බුද්ධාගමේ තියෙන යම් යම් පිළිවෙත් ගැන මේ වෙනකොට ඇතිවෙලා තියෙන්නේ යම් කළකිරීමක් . ඒවාට එක අතකට ගිහියොත්
Read more.
ළිඳක් වැසීම හා වැනසීම
  වෙනදා වගේම ලිපිය ලියන්න පූර්විකාව මම මගේම අත්දැකීමකින් ආරම්භ කරනවා . අපි පදිංචිවෙලා ඉන්නේ කඳුකර ප්‍රදේශයක . වළගම්බා රජතුමා
Read more.
මරු විස කලාව
  අපේ ගෙදරට උඩින් තියෙන්නේ ටිකක් කැලෑවක් වගේ ඉඩමක් . දවස තිස්සෙම ලැප් එක ළඟට වෙලා කොට කොට ඉන්න එකේ
Read more.
පංචායුධය
  කීප තැනක අම්මලා කියලා තියෙනවා දැක්කා පංචායුධ එල්ලුවේ නැහැ අපි දරුවන්ගේ කරේ , ධර්මචක්‍ර එල්ලුවා කියලා . ධර්ම චක්‍රය
Read more.
සූනියම් දෙවියන් වසඟයට ගන්නා ගිලගං දැහැන් හත
  සූනියම් දෙවියන් වසඟයට ගන්න විවිධ ක්‍රම තියෙනවා . මේ ගිලගං දැහැන් හත කියන්නෙත් ඒ වගේ මන්ත්‍රයක් . මේ මන්ත්‍රයෙන්
Read more.
ස්කන්ධ කුමාර වර දානය – කතරගම දෙවියන්ගේ වර ලබාගැනීමේ පැරණි ක්‍රමයක්
  කතරගම දෙවියන් සම්බන්ධව කතා කරනකොට බහුතරයක් අයට වර ලාභ ලබාදීම සම්බන්ධව ඉතිහාස කතා කියවෙනවා . කතරගම දෙවියන්ගෙන් වර ලබාගැනීම
Read more.

Leave a Reply

Your email address will not be published. Required fields are marked *