ජ්‍යෝතිෂ විද්‍යාවදේව කතා

මහා ලක්ෂ්මී යන්ත්‍රය

 

යන්ත්‍ර පැළඳවීම කියන කාර්යය ගුප්ත විද්‍යාවේ එන තවත් එක් ක්‍රමයක් විදියට තමයි හැඳින්වෙන්නේ . ලක්ෂ්මී දේවිය වෙනුවෙන් කෙරෙන යන්තරයක් සම්බන්ධව තමයි මේ ලිපියෙන් විස්තර කරන්නේ . ලක්ෂ්මී දේවිය කියන්නේ විෂ්ණු දෙවියන්ගේ භාර්යාව . විෂ්ණු දෙවියන් ලෝකයේ පැවැත්මට අධිපති වෙනවා වගේම තමයි ලෝකයාගේ පැවැත්මට අදාළ වෙන සෞභාග්‍ය සශ්‍රීක බව සහ ධනවත් බව කියන දේවල් වලට ලක්ෂ්මී දේවිය අධිපති කම් දරනවා .

ලක්ෂ්මී දේවියගේ ඇල්ම බැල්ම ලබාගන්න නොයෙක් දෙනා නොයෙක් දේවල් කරනවා . මම දකින විදියට ලක්ෂ්මී දේවියගේ බැල්ම ලබාගන්න හොඳම ක්‍රමයක් තමයි මේ ලක්ෂ්මී යන්ත්‍ර කියලා කියන්නේ . යන්තරය කියලා කියන්නේ හැඩතල සමූහයක එකතුවක් . මේ හැඩතල වලට තියෙනවා යම් නිශ්චිත කම්පන රටාවක් . මන්තර වලින් කරන්නේ ඒ හැඩතල වලට ශක්තිය ලබාදීලා නිසියාකාරව කම්පනය වීමට සැලැස්වීම .

මේ යන්තරය හරියාකාරව හදලා පාවිච්චි කරනවා නම් ඇත්තටම කරේ එල්ලගන්න එක හොඳ නැහැ . බිත්තියේ එල්ලන්න පුළුවන් විදියට හදලා තමන්ගේ ගෙදර වඳින පුදන තැන , ව්‍යාපාරික ස්ථානයේ වඳින පුදන තැන හෝ නිවසට ඇතුළුවෙන තැන ඉස්සරහට පේන විදියට තැම්පත් කරන්න පුළුවන් නම් තමයි වඩාත් හොඳ . මේකෙන් බංකොලොත් ව්‍යාපාර වලට නව පණක් ලැබෙන බවත් හරියාකාරව පුද පූජා පවත්වනවා නම් ආකර්ෂණය ඇතිවෙන බවත් විස්තර කරලා තියෙනවා . විෂ්ණු දෙවියන්ගේ ආකර්ෂණය මේ යන්තරයට ඉබේම වගේ ලැබෙනවා . ඒ නිසා පැවැත්ම සහ සශ්‍රීක සෞභාග්‍යවත් බව ලබාගන්න මේ යන්තරය උපකාරී වෙනවා කියලා කියන්න පුළුවන් .

මේ යන්තරය අඳින්න කිරි ගහක් යට පිරිසිදු ස්ථානයක් තෝරාගන්න ඕන . ඒ ස්ථානයේ ඉඳගෙන විෂ්ණු දෙවියන්ට සහ ලක්ෂ්මී දෙවියන්ට පුද පූජා පවත්වලා තමයි යන්තරය ඇඳගන්න අවශ්‍ය වෙන්නේ . කස්තුරි හෝ ගොරෝචන වලින් තමයි මේ යන්තරය කළු මදින්න අවශ්‍ය වෙන්නේ . එහෙම කළු මැදීම නිසා තමයි ඒ අකුරුවල හැඩය නිසියාකාරව ශක්තිය උපදවන්න පුළුවන් විදියට නිර්මාණය වෙන්නේ .

යන්ත්‍ර තහඩුව ජීවම් කරන වෙලාවට පූජා ද්‍රව්‍ය විදියට තියන්න කියලා නියම වෙලා තියෙන්නේ කිරි දීකිරි වෙඬරු ගිතෙල් සහ මෝරු කියන ආහාර ද්‍රව්‍ය . ඒවගේම කැවිලි සහ පළතුරුත් පූජාවන් විදියට තියන්න ඕන . මේ දේවල් එක්ක වාලම්පුරි සහ හක්ගෙඩි එහෙමත් පූජාවන් විදියට තියන්න පුළුවන් නම් දෙවියන්ගේ ආකර්ෂණය ඉක්මණින් ම ලබාගන්න පුළුවන් වෙනවා .

කිලි කුණු සහිත මස් කඩ මාළු කඩ සහ සතුන් වෙළඳාම කරන ස්ථානවල හැරෙන්න මේ යන්තරය තැම්පත් කරන්න ඕනෑම ස්ථානයක් සුදුසු වෙනවා . පිරිසිදු තැනක තැම්පත් කරලා පුද පූජා නිතර පැවැත්වීමෙන් ශ්‍රියාකාන්තාවගේ නොමද ආකර්ෂණය ලබාගන්නත් පුළුවන් වෙනවා .

තවත් ලිපියකින් හමුවෙමු .

ඔබ සැමට සමන් දෙවිඳුගේ පිහිට ලැබේවා !!

  දරුඵල බලාපොරොත්තුවෙන් ඉන්න ඒත් තවමත් ඒ වෙනුවෙන් අවස්ථාව නොලද විශාල ප්‍රමාණයකගේ ජන්ම පත්‍ර පරීක්ෂා කරන්න නොමිලේ පවත්වන ලද සේවාවට
වාස්තු විද්‍යාව සම්බන්ධව , වාස්තු විද්‍යාවට අතපොත් තියන ආධුනික අයට සහ සාමාන්‍ය කාටත් වැදගත් වෙන මාතෘකාවක් ගැන තමයි අද කතා
  බහුතරයක් අද වෙනකොට ලංකාවේ ජීවත් වෙනවාට වඩා වෙනත් රටකට ගිහින් ජීවත් වෙන්න තමයි කැමැත්තක් දක්වන්නේ . ඒ වෙනුවෙන් දක්වන
  ආයුර්වේදය සහ ජ්‍යෝතිෂ විද්‍යාව සම්බන්ධවන තැනක් විදියට රතකල්කය මට හඳුන්වන්න පුළුවන් . මේ වෙනකල් බලපු කේන්දරවලින් වයස අවුරුදු 10
  උසස්පෙළට රසායන විද්‍යාව ඉගෙන ගන්න කාලයේ වැඩියෙන්ම ඒ ගැන අදහසක් ඔලුවට දැම්මේ අපේ ඉස්කෝලේ රසායන විද්‍යා ආචාර්යවරයෙක් විදියට කටයුතු
  වෙන සිංහල අවුරුදුවල වගේ නෙවෙයි . මේ වතාවේ සිංහල අවුරුද්දේ අවුරුදු සැමරීම සම්බන්ධව රටේම ගැටළු මතුවෙලා තියෙනවා . ලෝකයේම
මේ අවුරුද්දේ මහනුවර දළදා පෙරහැර වීථි සංචාරය කිරීම ඊයේ දිනයේ ( 2018 08 16 ) ආරම්භ කෙරුනා . පෙරහැර සම්බන්ධව
  විශාලා මහා නුවර තුන් බිය දුරු කරන්න බුදුන් වහන්සේ මේ රතන සූත්‍ර දේශනාව දේශනා කරලා ඉන් පස්සේ ආනන්ද හාමුදුරුවන්ට
  අරුල්මිගු ශ්‍රී මුත්තුමාරි අම්මාන් දේවස්ථානය ඓතිහාසික මාතලේ පුරවරය මධ්‍යයේ පිහිටලා තියෙන හින්දු බැතිමතුන් ඉතාමත් ගෞරවයෙන් වන්දනාමාන කරන කෝවිලක් .
  කුර්වන්ත්‍යකාලේ යෙ ක්ශෞරං තෙෂාං වර්ෂශතායුෂාම් අර්වාග්මරණාමභ්‍යෙති තතඃ ක්ශෞරං විචාරයෙත් හිසකෙස් කැපීම සම්බන්ධව දෛවඥකාමධෙනු කියන පොතේ මෙන්න මේ විදියට සඳහන්
  සාමාන්‍යයෙන් මනුෂ්‍ය ජීවිතයක ප්‍රධාන අවස්ථා තුනක් මූලකයි කියලා ජ්‍යෝතිෂ විද්‍යාවේ ඉගැන්වෙනවා . ඉපදීම සහ මරණය කියන අවස්ථා දෙක තමයි
    පුංචි කාලේ මම මොන්ටිසෝරි ගියාම දවල්ට මාව එක්ක එන්නේ අපේ තාත්තා . තාත්තා ත්‍රීවිල් එකකින් මාව එක්කඑන ගමන්

Leave a Reply

Your email address will not be published. Required fields are marked *